Doktara Sirenku, jaki zdaŭ Niaklajeva śpiecsłužbam, zrabili vice-hubiernataram Minščyny FOTA
27.01.2015 / 16:10
Siarod novych kadravych pryznačeńniaŭ źviartaje na siabie ŭvahu asoba novaha namieśnika staršyni Minabłvykankama.
Doktar Viktar Sirenka atrymaŭ sumnuju viadomaść u noč z 19 na 20 śniežnia 2010 hoda. Jon, tahačasny kiraŭnik balnicy chutkaj dapamohi, dazvoliŭ śpiecsłužboŭcam vyvieźci z balnicy źbitaha kandydata ŭ prezidenty Uładzimira Niaklajeva.
Mienavita Sirenka źmianiŭ dyjahnaz Niaklajeva. Spačatku paetu pastavili dyjahnaz «zakrytaja čerapna-mazhavaja traŭma lohkaj stupieni, hiematomy levaj arbity, udary miakkich tkanak». Praz paru hadzin, kali kandydata ŭ prezidenty ŭžo vykrali, Sirenka vydaŭ daviedku, u jakoj dyjahnaz «čerapna-mazhavaja traŭma» nie značyŭsia.
Praz niekalki miesiacaŭ doktar pajšoŭ na pavyšeńnie, jaho pryznačyli kiraŭnikom kamiteta pa achovie zdaroŭja Minharvykankama, a z ciaham času pieraviali na anałahičnuju pasadu ŭ Minabłvykankam.
Ciapier jon staŭ namieśnikam staršyni Minabłvykankama Siamiona Šapiry.
Sirenka ŭklučany ŭ śpis nieŭjaznych u Jeŭrasajuz, adnajmienny piersanaž zjaviŭsia ŭ knizie «Były syn» Alaksandra Filipienki.
* * *