Statkievič: U Škłoŭskaj kałonii «rekamiendavana» hladzieć rasijskija kanały RTR i NTV
07.02.2015 / 19:32
Palitviazień, były kandydat u prezidenty Mikałaj Statkievič, jaki ciapier adbyvaje pakarańnie ŭ Škłoŭskaj kałonii, padzialiŭsia nazirańniami pra paradki ŭ hetaj papraŭčaj ŭstanovie.
«Napisaŭ, što tam jość peŭnyja tak by mović parady, u jaki čas treba hladzieć jakija kanały, — raspaviała žonka palitka Maryna Adamovič. —
Dyk rajać u prajm-tajm hladzieć rasiejskija kanały RTR i NTV. Mikałaj na heta zadajecca pytańniem, patryjotaŭ jakoj dziaržavy jany hetym rychtujuć?
Pa sutnaści heta nahadvaje toje, pra što jon pisaŭ i z Mahilova, dzie zachavali pakiet kabielnych rasiejskich kanałaŭ. Tady jon taksama aburaŭsia, maŭlaŭ, kaho vychoŭvajuć?»
U škłoŭskaj kałonii, dzie Mikałaj Statkievič užo bolš za miesiac, jon pa-raniejšamu nie atrymaŭ pracy. «Tut lepš z telefanavańniami. Razy try na miesiac možna zvanić, z mahiloŭskaj turmy było raz na miesiac», — adznačaje Maryna Adamovič.
Mikałaj Statkievič asudžany na 6 hadoŭ źniavoleńnia nibyta za arhanizacyju masavych biesparadkaŭ paśla vybaraŭ-2010. Svajoj viny Mikałaj Statkievič nie pryznaŭ i admoviŭsia pisać prašeńnie ab pamiłavańni.