Kanadziec stvaryŭ krem dla vydaleńnia tatuirovak
Krem zdolny vydalić tatuiroŭki naturalnym čynam, nie paškodziŭšy skuru.
17.02.2015 / 16:56
Alek Fałkienhiem. Fota: Bruce Bottomley/Dalhousie University
Vynachodka 27-hadovaha Aleka Fałkienhiema z univiersitetu Dełchaŭs paprostu raspuskaje čarniły ŭ arhaniźmie čałavieka z dapamohaj kletak čałaviečaha arhanizmu, raspaviadaje CBC.
Z tatuiroŭkami zmahajucca makrafahi — kletki, što źniščajuć niepatrebnyja bakteryi, čužarodnyja čaścinki i reštki miortvych kletak. Pry tatujavańni jany zdolnyja zachapić tolki častku čarnił — astatnija ŭtvarajuć malunak na ciele.
Krem litaralna zaklikaje makrafahi pracavać aktyŭniej, jon vyklikaje admysłovuju imunnuju reakcyju arhanizmu.
Makrafahi kirujucca da malunka, pahłynajuć čarniły i ŭnosiać ich u limfavuzły. U adroźnieńnie ad užyvanaha siońnia łaziernaha vydaleńnia tatuirovak, krem Fałkienhiema nie patrabuje prapalvańnia skury. Nie patrebnaja navat injekcyja — krem dziejničaje mienavita jak krem.
Zaraz daśledčyk pravodzić ekśpierymienty na vušach śviniej. Ab časie źjaŭleńnia kremu ŭ prodažy jon kazać pakul nie moža.
Tym nie mieniej, Fałkienhiem užo moža nazvać prykładnuju canu: 4,5 dalary za vydaleńnie tatuiroŭki na placoŭcy 10 na 10 santymietraŭ. Najlepiej krem vydalić tatuiroŭku, starejšuju za dva hady.