Bulbianiki z načynkaj RECEPT

18.02.2015 / 22:15

Zvaryć bulbu, pataŭčy, dadać małako i masła, dać krychu astyć (možna taksama rabić ź piure, jakoje zastałosia). U piure dadać sodu, paru łyžak śmiatany, jajka ci dva. Paśla dadać muki, zamiasić niekrutoje ciesta. Važna nie pierasypać muki, ciesta musić być miakkaje, ale adstavać ad naža.

Načynka — jakaja zaŭhodna: z kapustaj i tušanymi hrybami, z kaŭbasoj i cybulaj, hetyja — z vendžanaj jałavičynaj i parejem. Źlapić piražki. Dobra razahreć duchoŭku, na blachu nalić dobra tak aleju i ich pakłaści. Vypiakać pry 200 hradusach, pieraviarnuć, kali źnizu padsmažacca. Padavać možna z hrybnym sousam.