У прэстыжным мінскім фітнес-клубе абакралі наведніцу
19.02.2015 / 22:23
Цэнтральнае РУУС Мінска адшуквае невядомую жанчыну, якая ўчыніла крадзеж у спартыўна-аздараўленчым комплексе «Свет фітнесу».
Як паведамляе ГУУС Мінгарвыканкама, у адной з наведніц клуба з шафы жанчына выкрала маёмасць. У ліку выкрадзенага: банкаўская карта, з якой праз некалькі хвілін было знята 3 мільёны рублёў, наяўныя грошы — 1,5 млн рублёў, 150 еўра, 70 долараў, два флэш-носьбіты, гадзіннік маркі Clode Bernar. Агульная сума ўрону склала 10 млн рублёў.
Жанчына, якая ўчыніла крадзеж, на выгляд мае 45-50 гадоў, хударлявага целаскладу, валасы сярэдняй даўжыні, светлыя.
Міліцыя просіць усіх, хто мае нейкую інфармацыю пра жанчыну на фота, паведаміць пра гэта.