U Baranavičach mužčyna razahravaŭ patron u rondali na plicie i paciarpieŭ ad vybuchu

20.02.2015 / 20:44

U Baranavičach pry vybuchu bojeprypasu paciarpieŭ 30-hadovy miascovy žychar. 

Jak paviedamili ŭ Bresckim abłasnym upraŭleńni MNS, 20 lutaha ŭ 11.26 u centr apieratyŭnaha kiravańnia Baranavickaha harrajadździeła pa NS pastupiła infarmacyja z chutkaj miedycynskaj dapamohi pra atrymańnie hramadzianinam, jaki znachodziŭsia doma, askołačnaha ranieńnia i termičnaha apioku. 

Supracoŭniki MNS, jakija prybyli na miesca, ustanavili, što ŭ draŭlanym pryvatnym žyłym domie adbyŭsia vybuch bojeprypasaŭ. Paškodžanyja šyba, hazavaja plita, rondal i patelnia ŭ pamiaškańni kuchni. 

Pavodle słoŭ paciarpiełaha, vybuch zdaryŭsia, kali jon razahravaŭ na hazavaj plicie ŭ rondali z alejem patron nieŭstanoŭlenaha ŭzoru, kab vyniać ź jaho vybuchovaje rečyva. 

U vyniku 30-hadovy mužčyna atrymaŭ askołačnaje ranieńnie hrudnoj kletki i pieradplečča, termičny apiok tvaru i voka. Paciarpieły źmieščany ŭ balnicu. 

Na miescy zdareńnia pracujuć apieratyŭnyja hrupy Baranavickaha HRANS, milicyi, Śledčaha kamiteta, prakuratury i KDB.

BiełaPAN