У Гомелі арыштаваны Кастусь Жукоўскі

21.02.2015 / 09:07

20 лютага ў Гомелі пры невядомых абставінах затрыманы і адпраўлены адбываць арышт мясцовы грамадскі актывіст Кастусь Жукоўскі.

Як паведаміла яго жонка Алена, прыкладна ў абед 20 лютага з ім знікла тэлефонная сувязь. Увечары ёй патэлефанавала невядомая жанчына, якая паведаміла, што Кастусь Жукоўскі арыштаваны на 10 сутак, піша БелаПАН.

У Цэнтральным РАУС пацвердзілі, што такі грамадзянін дастаўляўся ў аддзел нібыта «за дробнае хуліганства ў аблвыканкаме». У ІЧУ таксама пацвердзілі, што затрыманы знаходзіцца ў іх.

Жукоўскі — беларускі патрыёт і актывіст Хрысціянскай дэмакратыі.

Абставіны і прычыны затрымання невядомыя.