Urahan prajšoŭ pa Niamieččynie i Aŭstryi: zahinuli dzieviać čałaviek, paryvy vietru — 190 km/h FOTY
01.04.2015 / 09:35
Jak minimum dzieviać čałaviek zahinuli ŭ vyniku mahutnaha urahanu «Nikłas», jaki abrynuŭsia na niekatoryja rajony Hiermanii, Aŭstryi i Šviejcaryi.
Mocnyja paryvy vietru vyryvali drevy, pierakulvali aŭtamabili, vyvodzili sa stroju linii elektrapieradačy. Paryvy vietru dasiahali chutkaści 190 km/h.
Napiaredadni stychija paralizavała transpartnuju sistemu Hiermanii: u pryvatnaści, byŭ spynieny čyhunačny ruch pamiž Dziusieldorfam i Kiolnam, a taksama pamiž Dziusieldorfam i Dujsburham.
Kala 150 rejsaŭ było admieniena ŭ aeraporcie Frankfurta-na-Majnie, a centralny vakzał Miunchiena evakujavali paśla taho, jak paryvami vietru z dachu vakzała vybiła niekalki kavałkaŭ škła.
Da ciapierašniaha momantu chutkaść vietru pamienšała, adnak transpart praciahvaje pracavać ź pierabojami ŭ niekatorych rajonach.
Cykłon idzie va ŭschodnim kirunku, siońnia ŭ Biełarusi paryvy vietru ŭzmocniacca, ale buduć składać da 8 m/s, nočču miescami paryvy vietra składuć da 15-20 m/s.