Інфармацыя пра напад гасцей са Смаленска на беларускую дзяўчыну, імаверна, аказалася фэйкам

20.04.2015 / 01:14

«У Мінску «госці са Смаленска» пастрыглі валасы дзяўчыне за беларускі швэдар. Ля мінскай кавярні «Beetlejuice» на дзяўчыну напалі смаленчукі, бо пабачылі ў яе швэдар з надпісам на беларускай мове».

Такая інфармацыя прайшла на шэрагу беларускіх сайтаў. «Наша Ніва» праверыла інфармацыю і не знайшла ёй пацвярджэнняў. Не знайшлася і сама дзяўчына.

Дарэчы, шэраг сайтаў, што апублікавалі «навіну», ужо знялі яе.

Найхутчэй што гэта некім запушчаная «качка».

Мікола Бугай