Z 1 maja biudžet pražytačnaha minimumu ŭ Biełarusi pavialičycca na 3,3%

29.04.2015 / 17:16

Novy pamier biudžetu pražytačnaha minimumu (BPM) ustalavany ŭ Respublicy Biełaruś ź piatnicy, 1 maja. Na pieryjad da 31 lipienia biahučaha hoda jon składzie 1 474 870 biełaruskich rubloŭ.

Sacyjalny narmatyŭ pavyšany na 3,3% (raniej jon składaŭ 1 428 100 rubloŭ). Adpaviednuju pastanovu apublikavaŭ Nacyjanalny pravavy internet-partał.

Pastanova, padpisanaja ministram pracy i sacyjalnaj abarony Biełarusi Marynaj Ščotkinaj, ad 23 krasavika 2015 hoda ŭstupiła ŭ siłu paśla jaje aficyjnaha apublikavańnia. U adpaviednaści ź joj, z 1 maja biudžet pražytačnaha minimumu dla klučavych sacyjalna-demahrafičnych hrup nasielnictva składzie:

• 1 627 600 rubloŭ — dla pracazdolnych hramadzian;
• 1 126 180 rubloŭ — dla ludziej piensijnaha ŭzrostu;
• 1 427 860 rubloŭ — dla studentaŭ;
• 946 610 rubloŭ — dla dziaciej uzrostu da troch hadoŭ;
• 1 322 490 rubloŭ — dla dziaciej uzrostu ad 3 da 6 hadoŭ;
• 1 623 670 rubloŭ — dla dziaciej uzrostu ad 6 da 18 hadoŭ.