Adziny ŭ Biełarusi ekzemplar Radziviłaŭskaj Biblii pradstaŭleny na vystaŭcy ŭ Mirskim zamku
Pra heta paviedamili arhanizatary ekspazicyi ŭ zamku.
29.04.2015 / 20:04
Na vystaŭcy pakazana 29 ekspanataŭ, žamčužynaj zjaŭlajecca adziny na hety čas ekzemplar Radziviłaŭskaj Biblii 1563 hoda vydańnia, jaki zachavaŭsia na terytoryi Biełarusi.
Suśvietna viadomaja Bibłija była nadrukavana ŭ Bresckaj drukarni. Kniha ŭjaŭlaje saboj poŭny tekst Śviatoha Pisańnia na polskaj litaraturnaj movie XVI stahoddzia. Heta Bibłija stała adnym z samych poŭnych i daskanałych vydańniaŭ svajho času na terytoryi Vialikaha Kniastva Litoŭskaha. U joj 738 staronak, 14 hraviur. Z vialikim majsterstvam vykanany zastaŭki, vińjetki, vialikija litary-inicyjały. Na palach staronak raźmiaščajucca kamientaryi da tekstu. Hraviury z Radziviłaŭskaj Biblii pryznany šedeŭrami biełaruskaj hrafiki. Na tytulnym liście vyhraviravany hierb Radziviłaŭ. Na pieršaj staroncy prysutničaje pryśviačeńnie karalu Žyhimontu Aŭhustu. Upieršyniu ŭ historyi knihadrukavańnia Biełarusi ŭ Bresckaj Biblii źmieščany pradmietny pakazalnik.
Ekspazicyja knih radziviłaŭskaj bibłijateki epochi Mikałaja Radziviła Čornaha padabrana z fondaŭ Centralnaj navukovaj bibłijateki imia Jakuba Kołasa NAN Biełarusi. Kalekcyja knih, jakija naležali Radziviłam, z fondaŭ CNB NAN — adzin z samych vialikich knižnych zboraŭ, što zachavalisia na terytoryi Biełarusi. U jaho składzie bolš jak 3,5 tys. drukavanych i rukapisnych dakumientaŭ. Tematyka vydańniaŭ, jakija ŭvachodziać u bibłijateku, vyznačajecca vialikaj raznastajnaściu, zakranaje roznyja sfiery čałaviečaha žyćcia.
Vystaŭka budzie pradaŭžacca da 27 maja ŭklučna.