Мінспорту і БФФ зацвердзілі «Парадак арганізацыі працы з заўзятарамі футбольных клубаў»
30.04.2015 / 19:48
Фота Сяргея Гудзіліна.
Міністр спорту і турызму Аляксандр Шамко і старшыня асацыяцыі «Беларуская федэрацыя футбола» Сяргей Румас зацвердзілі Парадак арганізацыі працы з заўзятарамі футбольных клубаў, якія ўдзельнічаюць у чэмпіянаце Беларусі (PDF), паведамілі ў сайце Мінспорту.
Гэты дакумент распрацаваны ў мэтах забеспячэння бяспечнага знаходжання грамадзян на тэрыторыі фізкультурна-спартыўных збудаванняў, прадухілення правапарушэнняў падчас футбольных матчаў і накіраваны на ўзмацненне работы футбольных клубаў у часткцы іх ўзаемадзеяння з грамадскімі аб'яднаннямі заўзятараў.
Парадак з'яўляецца абавязковым для футбольных клубаў, якія ўдзельнічаюць у вышэйшай і першай лігах чэмпіянату Беларусі па футболе, пры правядзенні футбольных матчаў на ўсіх стадыёнах, размешчаных на тэрыторыі Рэспублікі Беларусь.