Łukašenka patrabuje prypynić rost cen
05.05.2015 / 17:58
Alaksandr Łukašenka stavić zadaču prypynieńnia rostu cen pa kantralujemych dziaržavaj pazicyjach. Takoje daručeńnie jon daŭ 5 maja, prymajučy z dakładam ministra pracy i sacyjalnaj abarony Marjanu Ščotkinu.
Alaksandr Łukašenka adznačyŭ, što ŭ kancy minułaha hoda, pačatku hetaha ŭ krainie «supakoili i valutny rynak, i ceny». U toj ža čas nazirajecca pavyšeńnie cen na tavary i pasłuhi. Pavodle jaho słoŭ, dla hetaha jość i abjektyŭnyja pryčyny, u pryvatnaści, rost kursa dołara adnosna biełaruskaha rubla.
«Kali nazirajecca rost cen pa kantralujemych pazicyjach i asabliva ŭ ŽKH, jašče niedzie, tam, dzie dziaržava pavyšaje ceny, — heta niedapuščalna. Tamu što my zarpłatu siońnia nie možam padniać. Čałavieku nie patrebny rost zarpłat, kali nie rastuć ceny», — adznačyŭ kiraŭnik dziaržavy.
«I tam, dzie my možam siońnia prypynić rost cen, hety rost cen treba prypynić. Treba dać zrazumieć usim: biźniesmienam, pradprymalnikam, kiraŭnikam dziaržpradpryjemstvaŭ i ŭsim inšym, što ceny pažadana ciapier nie pavyšać», — skazaŭ Łukašenka.