У Мінску летам адмяняецца шэраг маршрутаў транспарту

30.05.2015 / 19:55

У Мінску на лета ў сувязі з сезонным зніжэннем пасажырапатоку адмяняецца праца шэрагу маршрутаў, паведамілі ў дзяржаўнай установе «Сталічны транспарт і сувязь». 

1 чэрвеня адмяняецца праца аўтобусных маршрутаў № 187, 188С, 196 і 196Д. 

8 чэрвеня — тралейбуснага маршруту № 41Д. 

1 ліпеня — аўтобусных маршрутаў № 47С і 185С. 

З 1 чэрвеня з 7.00 да 21.00 арганізуецца праца аўтобуснага маршруту № 51 ДС «Чыжоўка-1» — п.п. Лошыца (прыпыначны пункт прыгарадных электрацягнікоў асіповіцкага напрамку). Рух аўтобусаў будзе ажыццяўляцца па вуліцах Галадзеда, Ташкенцкай, Убарэвіча, Чыжэўскіх, Янкі Лучыны, Уладзіслава Сыракомлі ў абодвух напрамках. 

Акрамя гэтага, «з мэтай выключэння выпадкаў дэзарыентацыі пасажыраў» з 1 чэрвеня аўтобуснаму маршруту № 13Д ДС «Зялёны Луг-6» — Макаёнка прысвойваецца новы нумар 35. Рух аўтобусаў гэтага маршруту будзе дадаткова арганізаваны па будных днях з 9.00 да 15.00.

БелаПАН