Elektrody ŭ mozhu dapamahli pračytać dumki
Mahčyma, heta pieršy poŭnafunkcyjanalny interfiejs «mozh-tekst».
23.06.2015 / 13:08
Vyjava: Frontiers in Neuroscience
U navukoŭcaŭ Dziaržaŭnaha centru adaptyŭnych technałohij i Dziaržaŭnaha univiersiteta Ńju-Jorka (ZŠA) litaralna atrymałasia pračytać dumki z dapamohaj elektrodaŭ, padłučanych da mozhu, paviedamlaje Motherboard.
Interfiejs «mozh-tekst» padłučaŭsia niepasredna ŭ mozh siemiarych chvorych na epilepsiju pacyjentaŭ, jakija ŭžo prajšli invaziŭnaje daśledavańnie mozhu.
Prahrama fiksavała aktyŭnaść na roznych učastkach mozhu dabraachvotnikaŭ praz elektrody, naŭprost padłučanyja da mozhu, i źviazvała jaje z kožnym słovam paasobku. Paddoślednyja spačatku ŭhołas čytali doŭhija teksty, zatym kampjutar rasšyfroŭvaŭ ich dumki pa stvoranym słoŭniku.
Chvoryja na epilepsiju majuć u mozhu «ačah sutarhaŭ» — paškodžany ŭčastak, na miescy jakoha ŭtvarajecca rubiec, a časam uźnikajuć vostryja acioki i razdražnieńni niervovych kletak, što viaduć da sutarhaŭ. Terapija praduhledžvaje uskryćcio čerapu dziela adkryćcia dostupu da mozhu.
Sistema maje abmiežavany i daloka nie poŭny słoŭnik. Ale jana ŭ pierśpiektyvie moža dać, naprykład, dostup u internet prosta z mozhu, albo viarnuć mahčymaść razmaŭlać ludziam, padobnym da paralizavanaha astrafizika Styviena Chokinha.