BMW z rasijskimi numarami źnios prypynak kala Nacyjanalnaj biblijateki ŭ Minsku i źjechaŭ ź miesca DTZ FOTY
Avaryja adbyłasia dniom 30 červienia na staličnym praśpiekcie Niezaležnaści.
30.06.2015 / 14:34
BMW jechaŭ pa praśpiekcie ŭ bok Uručča. U niejki momant aŭtamabil paskoryŭsia, jaho raskruciła i vyniesła na pałasu sustrečnaha ruchu, paśla čaho jon vyskačyŭ na tratuar, dzie ŭrezaŭsia ŭ prypynak. Kiroŭca BMW niekatory čas pastajaŭ na miescy avaryi, paśla čaho źbieh.
Pavodle papiaredniaj infarmacyi, u momant avaryi ludziej na prypynku nie było. U DTZ nichto nie paciarpieŭ.
Na miescy zdareńnia pracujuć supracoŭniki DAI.
U DAI Pieršamajskaha rajona raspaviali, što na aŭtamabili ŭstalavany rehistracyjny znak «u888nk 66 rus». Inśpiektary prosiać usich, kamu niešta viadoma pra miescaznachodžańnie kiroŭcy abo aŭtamabila, patelefanavać na 222-17-17 (dziažurnaja častka DAI Minska) abo 102.