Kasmanaŭt Padałka ŭstalavaŭ novy rekord znachodžańnia na arbicie
805 dzion i nie spyniajecca.
01.07.2015 / 16:20
Hienadź Padałka. Fota z sajta today.kz
Rasijski kasmanaŭt Hienadź Padałka pabiŭ rekord 10-hadovaj daŭniny pa sumarnym časie znachodžańnia na arbicie, paviedamlaje NASA.
Papiaredni rekord 2005 hoda naležyŭ rasijcu Siarhieju Krykalovu, jaki prabyŭ u kosmasie 802 dni. Padałka na siońnia znachodzicca ŭ kosmasie ŭžo 806-y dzień i vierniecca na Ziamlu tolki 11 vieraśnia.
Kali nie zdarycca zatrymak, 57-hadovy Padałka na momant viartańnia praviadzie ŭ kosmasie 877 dzion. Papiaredni rekardśmien, Krykaloŭ, užo paabiacaŭ asabista pavinšavać Padałku pa viartańni.
Upieršyniu Padałka palacieŭ u kosmas na stancyju «Mir» u jakaści kamandzira karabla Sajuz-TM-28 u 1998 hodzie. Zatym jašče čatyry razy lotaŭ na MKS u jakaści kamandzira Sajuzaŭ. Nie raz pracavaŭ u adkrytym kosmasie pa 5 ź lišnim hadzin. Hieroj Rasijskaj Fiederacyi. Na Ziamli cikavicca teatram, dajvinham i parašutnym sportam.