U Rasii stukactva budzie zaličvacca ŭ pracoŭny staž
Ciapier infarmatary śpiecsłužbaŭ mohuć pretendavać na piensiju.
03.07.2015 / 18:07
U Rasii pryniali zakon, zhodna ź jakim tajemnaje supracoŭnictva sa śpiecsłužbami budzie zaličvacca hramadzianam u pracoŭny staž.
Dakumient užo apublikavany ŭ «Rasijskaj haziecie». Vydańnie ŭdakładniaje, što staž budzie naličvacca infarmataram, jakija aficyjna zaklučyli sa śpiecsłužbami sakretny dahavor ab supracoŭnictvie, ale zastalisia pa-za štatam.
Novy zakon dazvolić infarmataram śpiecsłužbaŭ pretendavać na piensiju, pakolki uvieś termin supracoŭnictva budzie zaličvacca ŭ strachavy staž, a ŭsie nieabchodnyja źviestki buduć pieradavacca ŭ piensijny fond.
U śpiecsłužbach šyroka raspaŭsiudžanaja praktyka vykarystańnia infarmataraŭ, adnak u adroźnieńnie ad štatnych supracoŭnikaŭ jany nie atrymlivali aficyjnych zarobkaŭ i nie mahli raźličvać na piensiju.