Praź niedachop snu ludzi pačali bačyć u siabrach vorahaŭ
Važna nie prosta spać, a bačyć sny.
16.07.2015 / 18:31
Fota z sajta brutalgamer.com
Niejrabijołahi Kalifarnijskaha univiersiteta ŭ Bierkli (ZŠA) ekśpierymientalna vyznačyli, što niedachop snu moža pryvieści da niapravilnaj interpretacyi čałaviekam vyrazu tvaru inšaha čałavieka, pra što raspaviali ŭ časopisie Journal of Neuroscience.
Paśla 24 hadzin biez snu paddoślednyja stali bačyć varožyja vyrazy tvaraŭ na tych fota, dzie na samoj spravie demanstravalisia niejtralnyja ci dobrazyčlivyja vyrazy tvaraŭ.
U ekśpierymiencie ŭziali ŭdzieł 18 zdarovych darosłych ludziej. Im pakazali 70 fota z roznymi vyrazami tvaraŭ, reakcyju na fota zapisali praz funkcyjanalnuju mahnitna-rezanansnuju tamahrafiju i rehistracyju častaty sardečnych skaračeńniaŭ. Padčas snu ŭ chodzie testaŭ zapisvałasia elektraencefałahrama.
Jak vyśvietliłasia, ad niedachopu snu uzajemadziejańnie struktur mozhu, adkaznych za raspaznańnie emocyj, i viehietatyŭnaj dy niervovaj sistem źbivajecca — čałaviek bačyć pahrozu tam, dzie jaje niama. Pry čym važna nie prosta kolkaść praspanych hadzin, a praciahłaść fazy chutkaha snu (padčas jakoj, jak siońnia ličycca, ludzi bačać sny), padčas jakoj źnižajecca ŭzrovień harmonaŭ stresu.