Miakkaja cacka-«mińjon» vyratavała žyćcio dziaŭčyncy, što vypała z akna
19.07.2015 / 09:36
Piacihadovaja dziaŭčynka, jakaja vypała z akna treciaha paviercha ŭ horadzie Kałarada-Sprynhs u ZŠA, paźbiehła surjoznych traŭmaŭ i, mahčyma, navat śmierci dziakujučy miakkaj caccy, zajavili ŭ miascovaj palicyi.
Incydent adbyŭsia ŭ čaćvier. Dziaŭčynka vypała z akna, kali hulała ŭ siabie ŭ pakoi, ale nie vypuściła z ruk cacku - «Mińjon» z multfilma «Brydki ja».
Na dumku palicyi, dziaŭčynka pryziamliłasia na cacku, što źmiakčyła ŭdar. Adzinaj traŭmaj, jakuju jana atrymała, byŭ pierałom ruki.
Pa siužecie franšyzy «Brydki ja», minjony — maleńkija istoty, jakija dapamahajuć złačyncam. U červieni ŭ prakat vyjšaŭ film «Mińjon», jaki pradstaŭlajem saboj prykvieł «Brydki ja».