U Minsku padpisany Miemarandum ab parazumieńni pamiž hienprakuraturami Biełarusi i Hruzii

22.07.2015 / 16:39

22 lipienia ŭ Minsku padpisany Miemarandum ab parazumieńni pamiž hienieralnymi prakuraturami Biełarusi i Hruzii. Mierapryjemstva adbyłosia ŭ miežach vizitu ŭ Biełaruś hruzinskaj delehacyi na čale z hienieralnym prakuroram Hieorhijem Badašvili.

Jak paviedamlaje Hienprakuratura Biełarusi, dakumient praduhledžvaje, što baki, hruntujučysia na ahulnapryznanych pałažeńniach mižnarodnaha prava, žadajučy pavysić efiektyŭnaść uzajemadziejańnia orhanaŭ prakuratur abiedźviuch dziaržaŭ u zabieśpiačeńni abarony pravoŭ hramadzian i jurydyčnych asob, buduć pašyrać supracoŭnictva, akazvać uzajemnuju dapamohu ŭ baraćbie sa złačynnaściu, asabliva ź jaje arhanizavanymi i transnacyjanalnymi formami.

Orhany prakuratury abiedźviuch krain buduć ažyćciaŭlać abmien praktyčnym vopytam i tearetyčnymi daśledavańniami, jakija tyčacca pracy orhanaŭ prakuratur, baraćby sa złačynnaściu, arhanizoŭvać rabočyja sieminary i kruhłyja stały, abmieńvacca vizitami supracoŭnikaŭ prakuratur.