Mininfarmacyi abmiežavała dostup da dvuch sajtaŭ za «prykmiety prajavy ekstremizmu»
21.08.2015 / 21:00
Za raspaŭsiud infarmacyi, jakaja raspalvaje rasavuju, sacyjalnuju i relihijnuju varožaść, Ministerstva infarmacyi abmiežavała dostup da dvuch infarmacyjnych resursaŭ. Adpaviednaje paviedamleńnie raźmieščana na sajcie Mininfarma.
Što heta za resursy, nie ŭdakładniajecca. U ministerstvie tolki tłumačać, što rašeńnie pryniata «na padstavie rašeńnia suda Centralnaha rajona Minska, jakoje ŭstupiła ŭ zakonnuju siłu 18 žniŭnia 2015 hoda, ab pryznańni infarmacyjnaj pradukcyi ekstremisckimi materyjałami».
Paśla pryniaćcia papravak u «Zakon ab ŚMI», jakija ŭstupili ŭ siłu z 1 studzienia 2015 hoda, ministerstva abmiažoŭvała dostup da amal troch dziasiatkaŭ veb-resursaŭ.