Chłopiec prajechaŭsia na dachu ciahnika kijeŭskaha mietro. VIDEA vyklikaje dryžyki
Ci treba kazać «nie sprabujcie paŭtaryć»?
02.09.2015 / 17:18
Paša Bumčyk, 18-hadovy videabłohier z Žytomira (Ukraїna) źniaŭ na videa pajezdku na dachu vahona kijeŭskaha mietro. Za try dni videa na Youtube nabrała 2 młn prahladaŭ.
Miarkujučy pa videa, supracoŭnik milicyi ci achovy mietrapalitena zaŭvažyŭ, jak chłopiec prałazić na naziemny ŭčastak mietro, ale nie paśpieŭ spynić chłopca. Nie złavili Pašu i na nastupnaj stancyi, dzie jon vyrašyŭ syści.
Niekatoryja inšyja videa błohiera značna bolš biaśpiečnaja: skački sa skiejtborda ŭ vadu, katańni na vazkach u kramach. Praŭda, jość i nie mienš ryzykoŭnyja: naprykład, tut jon visić na adnoj ruce na vyšyni 13 pavierchaŭ. Siabie chłopiec nazyvaje «adzinym videabłohieram z najhoršaj dykcyjaj u śviecie».