Eks-premjer: Da kanca hoda dalar budzie kaštavać 30 tys. rubloŭ
02.09.2015 / 21:57
2 vieraśnia ŭ ofisie Abjadnanaj hramadzianskaj partyi adbyłosia pasiadžeńnie ekśpiertnaha kłuba «Prafiesijna pra aktualnaje» na temu «Samaadčuvańnie biełaruskaha rubla: paścielny režym ci reanimacyja?».
U im uziali ŭdzieł Stanisłaŭ Bahdankievič, Michaił Čyhir, Jarasłaŭ Ramančuk, Barys Žaliba, Leanid Zaika.
Michaił Čyhir, były premjer-ministr Biełarusi: «Što čakaje biełaruski rubiel? Ničoha dobraha, zychodziačy z taho, što siońnia adbyvajecca ŭ ekanomicy. Ekspart značna nižejšy za impart. Hety dysbałans adbivajecca najpierš na ŭstojlivaści, niahledziačy na źnižeńnie cany na haz, naftu — my mienš budziem płacić. Hety dysbałans viadzie da prablemnych źjaŭ u śfiery finansaŭ. Pieradusim adbivajecca na ŭstojlivaści nacyjanalnaj valuty.
Kurs našaj nacyjanalnaj valuty nablizicca da kanca hoda da 30 tysiač rubloŭ za dołar».
Jarasłaŭ Ramančuk, vykanaŭčy dyrektar analityčnaha centra «Stratehija»: «Rubiel budzie žyć, ale budzie žyć u stanie pastajannych dryžykaŭ, niervovych pierahruzak, devalvacyi i inflacyi. Pakolki biełaruski rubiel nie źjaŭlajecca dahetul paŭnacennymi hrašyma, a źjaŭlajecca fancikam, to z fancikami palityki pastupajuć pa-svojmu. Tamu ničoha dobraha dla biełaruskaha rubla nie budzie.
Dvaccać plus — heta naša realnaść z adpaviednym upłyvam na piensii, zarpłaty. Navat baraćba ź impartam nie dapamoža».