U Minfinie Rasii raspaviali, kali ŭmacujecca rubiel
03.09.2015 / 12:55
Namieśnik kiraŭnika ministerstva finansaŭ RF Alaksiej Majsiejeŭ zajaviŭ u čacvier, što čakaje vychad rasijskaj ekanomiki na trajektoryju rostu ŭ čacviortym kvartale 2015 abo ŭ 2016 hodzie.
«Vielmi mnohija rečy, viadoma, zaležać ad dalejšaj dynamiki našaha ekspartu i rubla, ale vidavočna, što stanoŭčy ŭpłyŭ ad pasłableńnia kursu rubla na kankurentazdolnaść rasijskaj ekanomiki vidać niaŭzbrojenym vokam. Z ulikam viadomaj stabilizacyi finansavych rynkaŭ z punktu hledžańnia koštu kredytaŭ, ja dumaju, što my całkam možam u nastupnym hodzie z viadomaj dolaj upeŭnienaści kazać pra toje, što budzie rost», — adznačyŭ namieśnik kiraŭnika Minfina.
Pa słovach Majsiejeva, rubiel z bolšaj dolaj vierahodnaści pačnie ŭmacoŭvacca ŭ pieršaj pałovie 2016 hoda. Kurs rubla ŭ pieršuju čarhu zaležyć ad cany na naftu, ale dakładnaha razumieńnia, jakoj jana budzie ŭ nastupnym hodzie, pakul što niama.