Pieciarburhski centr «Miemaryjał» pryznali zamiežnym ahientam
06.11.2015 / 22:27
Ministerstva justycyi Rasii ŭklučyła ŭ śpis zamiežnych ahientaŭ sankt-pieciarburhski navukova-infarmacyjny centr «Miemaryjał».
Kiraŭnik mižnarodnaha historyka-aśvietnickaha tavarystva «Miemaryjał» Arsienij Rahinski nazvaŭ heta rašeńnie Miniusta vielizarnym udaram.
«Heta vielizarny ŭdar dla ŭsich tych, chto zajmajecca pamiaćciu achviar savieckaha teroru. Navukova-infarmacyjny centr «Miemaryjału» — adna z samych efiektyŭnych hramadskich arhanizacyj, jakaja zajmajecca hetaj prablematykaj», — zajaviŭ jon.
Sankt-pieciarburhski navukova-infarmacyjny centr «Miemaryjał» byŭ stvorany ŭ 1991 hodzie Vienijaminam Jofe jak centr dla navukovaha zabieśpiačeńnia raboty historyka-archiŭnaj kamisii tavarystva «Miemaryjał». Centr zajmajecca bazaj dadzienych ź pieralikam miescaŭ pachavańniaŭ achviar palityčnych represij. Jon uklučaje ŭ siabie archiŭ, bibłijateku, dyskusijnuju i vystavačnuju prastoru, virtualny muziej HUŁAHu.
Na kaniec kastryčnika rasijskaje ministerstva justycyi ŭklučyła ŭ rejestr niekamiercyjnych arhanizacyj, «jakija vykonvajuć funkcyi zamiežnaha ahienta», 100 arhanizacyj.