Dyjetu dla padaŭžeńnia žyćcia raspracavali kanadskija miedyki
Miedyki rekamiendujuć jeści arechi, soju, baby i klatčatku.
15.11.2015 / 11:04
Fota: Getty Images
Kanadskija miedyki z centra Risk Factor Modification u špitali Sent-Majkła stvaryli śpiecyjalnuju dyjetu dla prafiłaktyki sardečna-sasudzistych zachvorvańniaŭ i padaŭžeńnia žyćcia, piša The Daily Mail. Detalovyja vyniki daśledavańnia apublikavanyja ŭ Nutrition, Metabolism and Cardiovascular Disease.
Asnova prapanavanaj sistemy charčavańnia hruntujecca na spałučeńni praduktaŭ, antychalesterynavy efiekt jakich u kompleksie moža źnizić ryzyku ŭźniknieńnia i raźvićcia sardečna-sasudzistych zachvorvańniaŭ.
U pryvatnaści, pacyjentam rekamiendujecca jeści arechi, sojevy białok, jačmień, avios, a taksama alej, baby i harodninu, asabliva — bakłažany.
Pavodle aŭtara daśledavańnia Devida Dženkinsa, usia dyjeta pavinna ŭtrymlivać nizkuju kolkaść tłuščaŭ i soli, ale — šmat klatčatki.
U sutačnym racyjonie pavinna być ad 2 hram raślinnych sterynaŭ i stanołaŭ (zbožža, harodnina i sadavina), 30 hram arechaŭ, 50 hram sojevych praduktaŭ i ad 20 hram rastvaralnych charčovych vałoknaŭ.
U chodzie daśledavańniaŭ miedyki vyjavili, što kambinacyja dadzienych praduktaŭ, akramia źnižeńnia ŭzroŭniu chalesterynu, zdolnaja źnizić na 2% ryzyku raźvićcia pavyšanaha arteryjalnaha cisku.