Ukazam prezidenta pašyranyja mahčymaści vykarystańnia faktorynhu
23.11.2015 / 20:07
Alaksandr Łukašenka 23 listapada padpisaŭ ukaz № 471 «Ab pytańniach finansavańnia pad ustupku hrašovaha patrabavańnia (faktorynhu)».
Jak paviedamlaje pres-słužba prezidenta, normy ŭkaza nakiravanyja na realizacyju inicyjatyŭ pa raźvićci faktorynhavych apieracyj va ŭzajemnym handli krain — členaŭ JEAES, a taksama pry eksparcie ŭ trecija krainy, źniaćci barjeraŭ pa hetych apieracyjach u raźlikach pry imparcie, u pieršuju čarhu pramiežkavaj pradukcyi (syraviny) i pasłuh.
Takim čynam, stvarajucca ŭmovy dla pašyreńnia mahčymaściej vykarystańnia faktorynhu jak efiektyŭnaha instrumienta finansavańnia dla pradpryjemstvaŭ małoha i siaredniaha biźniesu, jakija źjaŭlajucca pastaŭščykami bujnych pradpryjemstvaŭ. Daŭžniki i kredytory atrymlivajuć mahčymaść bolš hibka kiravać svaimi finansavymi patokami. Aprača taho, jak zaznačaje pres-słužba prezidenta, pryniaćcie ŭkaza dazvalaje zaviaršać źniešniehandlovyja apieracyi šlacham vykanańnia bankam abaviazacielstvaŭ, što vynikajuć z dahavora faktorynhu abo faktorynhavaj apieracyi.
Ukaz nabudzie moc praz šeść miesiacaŭ paśla jaho aficyjnaha apublikavańnia.