Alaksandr Łukašenka zaklikaŭ Rasieju i Turcyju adnavić dobryja adnosiny
12.12.2015 / 11:40
Alaksandr Łukašenka zaklikaje Rasieju i Turcyju pajści na kampramis, «zrabić choć by paŭkroku nasustrač adzin adnamu» i adnavić dobryja adnosiny. Pra heta Łukašenka skazaŭ, vystupajučy ŭ Ašchabadzie na Mižnarodnaj kanfierencyi, pryśviečanaj palitycy niejtralitetu.
«Pamyłki niepaźbiežnyja, i ich treba nie nahniatać, a vyrašać, iści na sastupki i kampramisy. Heta datyčycca i apošniaha kanfliktu pamiž Rasijaj i Turcyjaj», — cytujuć Łukašenku infarmacyjnyja ahienctvy.
«Nie ŭsialak nahniatać zapał, [a] znajści mahčymaść zrabić choć by paŭkroku nasustrač adzin adnamu — i prablemy vyrašacca, adnoviacca tyja dobryja, blizkija adnosiny, jakija byli pamiž hetymi narodami i dziaržavami i abaviazkova buduć», — skazaŭ jon.
Łukašenka ŭ Ašchabadzie pravioŭ pieramovy z kiraŭnictvam Turkmienii, uziaŭ udzieł u kanfierencyi pa niejtralitetu i navat aprabavaŭ miascovy viełatrek.
Adnosiny Rasii i Turcyi pieražyvajuć kryzis paśla taho, jak 24 listapada turecki źniščalnik F-16 źbiŭ na miažy Turcyi rasijski bambavik Su-24. Prezident RF nazvaŭ heta «ŭdaram u śpinu» i abvinavaciŭ Turcyju ŭ dapamozie terarystam. U Rasii razharnułasia antytureckaja kampanija.
U Siryi Rasija padtrymlivaje Bašara Asada, a Turcyja — isłamskuju apazicyju jamu. Abiedźvie krainy pry hetym nanosili ŭdary pa terarystyčnaj «Isłamskaj dziaržavie».