У Пекіне ўтрыманне небяспечных часцінак у паветры ў 20 разоў перавысіла норму

14.12.2015 / 08:54

У адпаведнасці з дадзенымі Пекінскага цэнтра экалагічнага маніторынгу, утрыманне небяспечных для здароўя цвёрдых часцінак у паветры над сталіцай Кітая складае каля 500 мікраграмаў на кубічны метр.

Дадзены ўзровень забруджанасці перавышае рэкамендаваную Сусветнай арганізацыяй аховы здароўя норму ў 20 разоў.

Адзначаецца істотнае пагаршэнне бачнасці на дарогах горада, улады не рэкамендуюць жыхарам горада выходзіць на двор і просяць карыстацца адмысловымі маскамі для абароны дыхальных шляхоў.