Гарадскі транспарт Мінска ў маразы будзе хадзіць часцей
20.01.2016 / 14:08
«Мінсктранс» узмацніў рэзервы пасажырскага транспарту, паведаміў журналістам генеральны дырэктар прадпрыемства Лявонцій Папянок.
«У рэзерве знаходзяцца больш за 30 адзінак аўтобусаў, тралейбусаў і трамваяў. Яны выходзяць на маршруты пры моцных снегападах і нізкіх тэмпературах. Гэта дазваляе скараціць інтэрвал руху грамадскага транспарту», - сказаў Лявонцій Папянок.
Штодня пасажыраў у Мінску абслугоўваюць каля 1,7 тыс. адзінак гарадскога транспарту. Вытворчая база «Мінсктрансу» налічвае 1463 аўтобусы, 995 тралейбусаў і 138 трамваяў.