Дызайнер з Нью-Ёрка распрацавала серыю адзення для мігрантаў
16.06.2016 / 16:43
Lorenzo Costa
Дызайнер Анджэла Луна, студэнтка Parsons School of Design (Нью-Ёрк), заўсёды цікавілася дызайнам вечаровых строяў. Але, пабачыўшы шматлікія сюжэты навінаў аб сірыйскім крызісе ўцекачоў, зразумела, што павінна займацца чымсьці больш карысным. У яе з’явіліся ідэі наконт моднай, але разам з тым і функцыянальнай лініі адзення, якая б дапамагала ўцекачам у вырашэнні штодзённых праблем, з якімі яны сутыкаюцца. На яе думку, мода часта адарваная ад глабальных праблем, прыйшоў час для пераменаў.
Прадметы, створаныя дызайнерам, могуць трансфармавацца ў намёты, заплечнікі, прыстасаванні для плавання.