Алегу Навальнаму адмовілі ва УДВ
27.06.2016 / 15:14
Фота «Новой газеты».
Расійскаму дзеячу Алегу Навальнаму адмовілі ва ўмоўна-датэрміновым вызваленні. Пра гэта паведаміў яго брат Аляксей Навальны.
Адміністрацыя калоніі, у якой адбывае тэрмін Алег Навальны, лічыць яго злосным парушальнікам рэжыму. Прадстаўнік калоніі і пракурор на пасяджэнні суда па УДВ адзначылі, што Навальны неаднаразова атрымліваў спагнанні.
***
Алег Навальны ў снежні 2014 года быў прыгавораны да трох з паловай гадоў калоніі па абвінавачванні ў махлярстве пры заключэнні кантрактаў з кампаніяй «Іў Рашэ». Аляксей Навальны атрымаў па гэтай справе тры з паловай гады ўмоўнага тэрміну.