Rasija pryhraziła NATA naviadzieńniem jadziernaj zbroi na abjekty błoka
Rasija nacelić svaju jadziernuju zbroju na abjekty NATA ŭ adkaz na ahresiŭnyja dziejańni aljansu, zajaviŭ pieršy namieśnik staršyni kamiteta Savieta Fiederacyi pa abaronie i biaśpiecy Franc Klincevič. Jon udakładniŭ, što maje na ŭvazie jadziernyja bojeprypasy naziemnaha, marskoha i pavietranaha bazavańnia.
25.11.2016 / 08:02
«U adkaz na ahresiŭnyja dziejańni NATA, na sproby aljansu ŭciahnuć u svaju arbitu ŭsio novyja krainy z boku Rasii budzie žorstki i adnaznačny adkaz. My nacelim svaju zbroju, u tym liku i atamnuju, na lubyja abjekty aljansu, jakija nam pahražajuć, dzie b jany nie raźmiaščalisia», — cytujuć Klinceviča RIA «Novosti».
Jon udakładniŭ, što «kali my havorym pra jadziernuju zbroju, my havorym pra jadzierny bojeprypas, jaki moža być raźmieščany na nośbicie ŭ naziemnaj stacyjanarnaj, mabilnaj, marskoj i pavietranaj zbroi».