Pad Słuckam kiroŭca «Maskviča» źbiŭ viełasipiedysta, adciahnuŭ cieła z darohi i ŭciok FOTA

Dniom 25 listapada ŭ Słuckim rajonie byŭ znojdzieny trup 58-hadovaha mužčyny z prykmietami najezdu aŭtamabilem. Pra heta paviedamlaje sajt Slutsk-Gorod sa spasyłkaj na RAUS.

26.11.2016 / 15:08

Paviedamleńnie pra znojdzienaje cieła mužčyny pastupiła ŭ milicyju ŭ 14:51. Supracoŭniki Słuckaha RAUS vyśvietlili, što śmiarotny najezd adbyŭsia ranicaj taho ž dnia, a taksama apieratyŭna vyśvietlili asobu kiroŭcy i zatrymali.

Im akazaŭsia 54-hadovy žychar vioski Padleśsie, jaki ranicaj na aŭtamabili «Maskvič-2140» viartaŭsia dadomu z pracy.

Vyśvietliłasia, što kala 07:30 kiroŭca «Maskviča» ździejśniŭ najezd na viełasipiedysta, jaki jechaŭ u tym ža nakirunku, adciahnuŭ cieła sa ściežki i ŭciok.

U dačynieńni da kiroŭcy raspačata kryminalnaja sprava pa č. 2 art. 317 KK RB (parušeńnie pravił darožnaha ruchu, što paciahnuła pa nieaściarožnaści śmierć čałavieka).

Kiroŭca «Maskviča» padčas miedycynskaha ahladu ŭ Słuckaj CRB.