Zbornaja Čechii pa bijatłonu admoviłasia jechać na etap Kubka śvietu ŭ Rasii praz dopinhavy skandał

Zbornaja Čechii pa bijatłonu admoviłasia jechać na etap Kubka śvietu, jaki adbudziecca ŭ sakaviku 2017 hoda ŭ Ciumieni, zajaviŭ prezident Sajuza bijatłanistaŭ Čechii Iržy Chamza. Pra heta taksama paviedamlaje vydańnie Inside The Games sa spasyłkaj na list češskaha Sajuza bijatłanistaŭ.

21.12.2016 / 20:57

Češskaja spartśmienka Habryeła Koukałava, dvuchrazovaja siarebranaja pryziorka Alimpijady ŭ Sočy, zajaviła, što dałučycca da luboj formy bajkotu spabornictvaŭ u Rasii.

Pa słovach Iržy Chamza, na spabornictvy ŭ Rasiju, chutčej za ŭsio, nie pajeduć spartśmieny z Francyi. Marten Furkad paśla taho, jak stała viadoma pra padazreńnie rasijskich bijatłanistaŭ va ŭžyvańni dopinhu, žorstka krytykavaŭ niesumlennych atletaŭ.

Akramia taho, da bajkotu moža dałučycca zbornaja Vialikabrytanii, piša Meduza.