U Jakucii vachtaviki dvuma «Urałami» razdušyli miadźviedzia i dabili jaho łomam

aściarožna, žorstkaje videa

Pravierku pa fakcie zabojstva žyvioły viaduć prakuratura i Ministerstva achovy pryrody Jakucii. Miarkujecca, antyhierojami historyi stali vachtaviki.

27.12.2016 / 14:35

Na kadrach vidać, jak kiroŭca «Urała» pad uchvalnyja vokličy z kabiny niekalki razoŭ pierajazdžaje miadźviedzia, ale žyvioła nie zdajecca. Potym druhi «Urał» padjazdžaje i pryciskaje miadźviedzia da ziamli. Žyvioła adčajna sprabuje vybracca z-pad kołaŭ, ale jaho dabivajuć udarami łomu pa hałavie, apisvaje NewsYkt.ru.

Zapis, jaki aburyŭ karystalnikaŭ sacsietak, pahladzieŭ ministr achovy pryrody Jakucii Sachamin Afanaśieŭ. «Daŭ daručeńnie kiravańniu palavańnia pravieści rasśledavańnie i pryniać adpaviednyja miery. Pra vyniki pravierki my paviedamim dadatkova», — adreahavaŭ jon.

Jak adznačaje «Jakucija24», u dziejańniach vachtavikoŭ jość prykmiety składu złačynstva, praduhledžanaha č. 2 art. 245 KK RF, — «Žorstkaje abychodžańnie z žyviołami, što paciahnuła ich hibiel abo kalectva, ździejśnienaje hrupaj asob pa papiaredniaj zmovie». Maksimalnaje pakarańnie pa hetym artykule — pazbaŭleńnie voli na termin da dvuch hadoŭ.

Prakuratura respubliki nakiravała daručeńnie jakuckaj palicyi pravieści pracesualnuju pravierku, chod rasśledavańnia ŭziaty na asablivy kantrol.