Dziarždep ZŠA: Zajavy Erdahana pra padtrymku ID vartyja śmiechu
28.12.2016 / 07:26
Dziaržaŭny departamient ZŠA adchiliŭ abvinavačvańni prezidenta Turcyi ŭ padtrymcy ekstremisckich hrupovak, jakija vajuiuć u Siryi, i nazvaŭ hetyja abvinavačvańni śmiešnymi, paviedamlaje Bi-bi-si.
Pradstaŭnik zamiežnapalityčnaha viedamstva Mark Tonar padkreśliŭ, što ŭsie hetyja abvinavačvańni nie majuć pad saboj nijakich dokazaŭ.
Akramia hetaha Tonar adchiliŭ abvinavačvańni Rasii ŭ pastaŭkach siryjskim paŭstancam zienitna-rakietnych kompleksaŭ. «My nie dajem nijakich PZRK siryjskaj apazicyi. My ŭžo bačyli padobnyja vykazvańni, naša pazicyja z nahody PZRK nie źmianiłasia - my hłyboka zaniepakojenyja tym, što zbroja padobnaha typu moža patrapić u Siryju», — skazaŭ pradstaŭnik dziarždepartamienta.