Pamior narodny artyst Biełarusi Alaksandr Cichanovič

U apošni hod svajho žyćcia jon ciažka chvareŭ. Cichanoviču było 64 hady.

28.01.2017 / 10:01

Pra śmierć baćki paviedamiła jaho dačka Anastasija.

...Siehodnia nočiu nie stało mojeho Papy...My błahodarim vsiech, kto na protiažienii jeho udivitielnoho žiźniennoho puti był riadom. Błahodarim vsiech, kto mołiłsia i poddierživał jeho v jeho poślednij i očień nie prostoj hod. Ja znaju, čto on by poprosił pobłahodarit vsiech vas za vašu lubov, kotoraja była vzaimnoj. Čiełoviek-Lubov, moj samyj błizkij, samyj łučšij, samyj lubimyj. Moj Papa. Pomołitieś o niem, čtoby jeho doroha k Bohu, kotoruju on iskał i našieł zavieršiłaś Radostnoj Vstriečiej. Pap, ja lublu tiebia, vsiehda. Carstviie tiebie Niebiesnoje, Pust Božieńka primiet tiebia v Svoich samych Śvietłych sieleniiach, hdie niet bolšie ni bolezni, ni piečałi, no Žizń i Lubov bieskoniečnaja.❤️ -- Reast in Peace, my love, my daddy❤️

Foto opubłikovano Anastasiya Tihanovich (@atihanovich)

Raźvitańnie z Alaksandram Cichanovičam adbudziecca 30 studzienia ŭ Biełdziaržfiłarmonii

U chramie Alaksandra Nieŭskaha (vuł.Kazłova, 11) u 7:45 pačniecca paminalnaja liturhija, paśla jaje — adpiavańnie (mierkavana ŭ 8:45), paviedamiła ŭ svaim fejsbuku jaho dačka Anastasija Cichanovič.

Hramadzianskaja panichida adbudziecca ŭ Fiłarmonii z 11:00 da 14:00.

Dzie budzie pachavany Alaksandr Cichanovič, pakul nie viadoma.

***

Naradziŭsia Alaksandr Cichanovič u Minsku ŭ 1952 h. U 1982 hodzie skončyŭ Biełaruskuju kansiervatoryju. Muzyčnaja karjera pačałasia z suvoraŭskaj vučelni, dzie jon hraŭ u arkiestry. Zatym pracavaŭ u hurcie «Minsk», što hraŭ džaz-rok. Razhromny artykuł pra muzyčnuju tvorčaść «Minska» ŭ adnoj z centralnych haziet vyklikaŭ jaho zakryćcio.

Pierajšoŭ u lehandarnyja «Vierasy», dzie śpiavała i budučaja žonka — Jadviha Papłaŭskaja. Kalektyŭ byŭ zajaŭleny na vystup u pieršym respublikanskim konkursie artystaŭ estrady. «Vierasy» stali łaŭreatami konkursu i atrymali pucioŭku na piaty ŭsiesajuzny konkurs estrady ŭ Maskvie. Heta byŭ zorny čas.

U 1989 hodzie Alaksandr Cichanovič razam ź Jadvihaj Papłaŭskaj stvaryli Teatr pieśni i tvorčuju studyju pry im, praź jakija prajšli mnohija maładyja biełaruskija vykanaŭcy.

Alaksandr Cichanovič byŭ aŭtaram i viadučym niekalkich muzyčnych televizijnych prajektaŭ. Z 2006 pa 2009 hod Alaksandr Cichanovič uznačalvaŭ nacyjanalny televizijny muzyčny prajekt JeŭraFest i biełaruski adboračny tur da mižnarodnaha konkursu pieśni «Jeŭrabačańnie».

Śvietłaja pamiać.