Minskaja bravarnia «Taler» zvaryła piva ŭ honar Donalda Trampa
08.02.2017 / 20:31
Ad piatnicy ŭ niekatorych minskich restaranach i kaviarniach možna budzie pakaštavać novy hatunak piva Trump Pale Ale. Jaho vypuściła bravarnia «Taler», jakaja mieścicca pry restaranie People's na vulicy Kalvaryjskaja,1.
Admietnaść hatunku ŭ tym, što pivavary pryśviacili jaho novamu prezidentu ZŠA Donaldu Trampu. Piva vykanana ŭ styli «amierykanski bledny el». Hetamu stylu charakterny pryjemny vodar i vyraznaja chmielevaja harčynka. Piva budzie ŭtrymlivać 5,8% ałkaholu.
Mini-bravarnia «Taler» była zasnavanaja ŭ 2011 hodzie. Nazvanaja ŭ honar srebnaj maniety, jakaja była va ŭžytku na terytoryi VKŁ i Rečy Paspalitaj. Na emblemie pivavarni siaredniaviečnyja vieršniki ź miačami.
Pieršapačatkova «Taler» byŭ aryjentavany na bolš tradycyjnyja piŭnyja hatunki, adnak letaś pierafarmatavaŭsia na styli, charakternyja dla krafatavaj vytvorčaści — indyjski bledny el, stauty, harbuzovy el i inšyja.