KCHP-BNF admoviłasia ad akcyi 25 sakavika ŭ Kijeŭskim skviery
24.03.2017 / 13:48
Jak paviedamiŭ Svabodzie namieśnik staršyni partyi KCHP-BNF Juraś Bieleńki, heta źviazana z tym, što haradzkija ŭłady da hetaha času nie dali adkazu na zajaŭku.
Juraś Bieleńki byŭ vyklikany ŭ Mienharvykankam jašče 20 sakavika, ale haradzkija ŭłady admianili sustreču, paviedamiŭšy, što «adkaz zajaŭnik atrymaje paźniej u vyznačanym zakonam paradku».
Nie dačakaŭšysia ni adkazu pa pošcie, ni novaha zaprašeńnia ŭ Mienharvykankam, aktyvisty admovilisia ad arhanizacyi vuličnaha mierapryjemstva.
Akramia hetaha, pradstaŭniki KCHP-BNF nakiravali ŭ Hieneralnuju prakuraturu skarhu z patrabavańniem zavieści kryminalnuju spravu pa fakcie čynieńnia pieraškodaŭ masavamu mierapryjemstvu.