U Osła znajšli bombu kala stancyi mietro
09.04.2017 / 13:18
Kala adnoj sa stancyj mietro ŭ Osła palicyja vyjaviła i abiasškodziła vybuchovaje prystasavańnie. Bomba, abviaścili pradstaŭniki kiraŭnictva palicyi Narviehii, była znojdziena kala stancyi mietro «Hrenłan» u noč na 9 krasavika.
Rajon zdareńnia byŭ ačepleny, restarany i kaviarni začynienyja, ludzi evakuiravanyja. Bomba była padarvanaja pad kantrolem sapioraŭ.
Kiraŭnik palicyi Osła Vidar Piedersien pacvierdziŭ, što vyjaŭleny kala stancyi mietro padazrony pradmiet - vybuchovaje prystasavańnie.
Palicyja taksama paviedamiła ab zatrymańni padazravanaha, adnak nijakich padrabiaznaściaŭ ni pra jaho, ni pra vybuchovuju pryładu pakul raskryvać nie stała.
Narviehija ŭzmacniła miery biaśpieki paśla taho, jak u stalicy susiedniaj Šviecyi hruzavik ździejśniŭ naŭmysny najezd na piešachodaŭ, zabiŭšy 4 čałaviek i paraniŭšy 14.