Kvitki na atrakcyjony ŭ minskich parkach padaražejuć
11.04.2017 / 18:05
Kvitki na dziciačyja atrakcyjony ŭ parkach, jakija znachodziacca ŭ padparadkavańni UP «Minskzielenbud», u novym siezonie padaražejuć, paviedamiŭ BIEŁTA hałoŭny inžynier pradpryjemstva Uładzimir Babiŭski.
«Ceny źmieniacca niaznačna. Vyrastuć nie bolš čym na 9%, a na niekatoryja atrakcyjony zastanucca raniejšymi. Infarmacyja pra ceny ŭ bližejšy čas źjavicca na sajcie pradpryjemstva», — prainfarmavaŭ Uładzimir Babiŭski.
Pry ŭstalavańni spryjalnych umoŭ nadvorja adkryćcio siezona ŭ haradskich parkach čakajecca 21 krasavika.
Novym atrakcyjonam płanuje ŭ pierśpiektyvie abzavieścisia park imia Čaluskincaŭ, paviedamlajuć «Minsk-Naviny».
«Nadzimany atrakcyjon pastavim na dziciačaj placoŭcy, jakaja budzie abstalavanaja ŭ ramkach rekanstrukcyi tancplacoŭki, — udakładniŭ Babiŭski. — Ciapier vybirajem padradčyka dla budaŭničych rabot».
Jon taksama adznačyŭ, što ŭ chutkim časie buduć razhledžanyja pytańni ab metazhodnaści abstalavańnia atrakcyjonami parku «Civali» albo parku imia Uha Čaviesa.