Актывісты «рускага міра» прыйшлі з расійскім сцягам на афіцыйнае святкаванне Дня Перамогі ў Мінску ФОТАФАКТ
09.05.2017 / 17:31
Актывісты прарасійскага «Національно-освободітельного двіженія» былі заўважаныя 9 мая на плошчы Перамогі ў Мінску. Яны пазіравалі з расійскім трыкалорам з выявай дзвюхгаловага арла ў імперскай кароне.
Рух вядомы сваёй прарасійскай пазіцыяй і падтрымкай сепаратыстаў Данбаса. А таксама — часам даведзенымі да абсурду поглядамі. Напрыклад, яго кіраўнік Уладзімір Рыжанкоў лічыць, што беларускую канстытуцыю напісалі ў ЗША, а 80% нашых чыноўнікаў працуюць на Амерыку.
Аляксей Галавін (на фота злева, у камуфляжы без знакаў адрознення) падчас разгону сёлетняй акцыі на Дзень Волі трагікамічна трапіў на суткі разам з дэманстрантамі.