Chakieist Siarhiej Kaścicyn: Ni ch… nie vychodzić!
11.05.2017 / 10:37
Napadnik zbornaj Biełarusi pa chakiei Siarhiej Kaścicyn paśla zakančeńnia čaćviortaha matču suśvietnaha čempijanatu, jaki zaviaršyŭsia dla nacyjanalnaj kamandy parazaj ad šviejcarcaŭ ź likam 0:3, adkazaŭ na niepryjemnyja pytańni žurnalistaŭ. Słovy forvarda z Francyi pieradaje karespandent «Priessboła» Viačasłaŭ Fiedarenkaŭ.
— Navat nie viedaju, z čaho pačać, akramia banalnaha «što nie atrymałasia»…
— Dy ni ch… nie atrymlivajecca!
— Nu, heta farmuloŭka nie dla druku …
— Možaš i dla druku.
— U nas źmianiŭsia skład źvionaŭ, a ŭ tvaim vypadku i funkcyjanał — pieramiaścili z fłanha ŭ centr…
— Mnie ŭ centry navat lepš. Prynamsi, bolš šancaŭ choć by daŭžej patrymać šajbu, adčuć jaje. Ale tołku, kali, skažam, znoŭ pačynajem vydalacca? Try razy ŭ adnym pieryjadzie ŭ hulni z kamandaj, jakuju pavinny i možam pieramahać!
— Vielmi ciśnie, što hałoŭ niama, a čakajuć ich łahična pierš za ŭsio ad vašaj trojki?
— Dy zrazumiejcie vy, ni adzin-dva čałavieki, ni navat adno-dva źviana prablemu nie vyrašać. Hulać pavinny ŭsie! Kievin (Łałand. — «PB».) nas ciahnie jak moža, ale jon ža nie žalezny. Usie pavinny hulać, ci tabie 20 hadoŭ, ci 35. Heta čempijanat śvietu, a nie čempijanat Biełarusi.
— Dumki ciapier achoplivajuć nieviasiołyja?
— Ciapier hałoŭnaja dumka i žadańnie - chutčej zvalić adsiul i ŭsio zabycca. Jany taksama nie padarunak, ale što zastajecca?..
— Ci było dychańnie 1-ha dyvizijona kali-niebudź takim adčuvalnym?
— Na majoj pamiaci, napeŭna, nie…