Pucin u razmovie z Makronam nazvaŭ akupacyju Danbasa «ŭnutryŭkrainskim kryzisam»
18.05.2017 / 19:40
Prezidenty Francyi i RF Emanuel Makron i Uładzimir Pucin padkreślili važnaść dalejšaha ŭzajemadziejańnia ŭ ramkach «narmandskaha farmatu». Pra heta UNIAN paviedamili ŭ pres-słužbie Kramla pa vynikach telefonnaj razmovy lidaraŭ dźviuch krain.
«Damoŭlena sumiesna pracavać pa aktualnych mižnarodnych i rehijanalnych pytańniach, uklučajučy baraćbu z teraryzmam. Padkreślenaja, u pryvatnaści, važnaść dalejšaha ŭzajemadziejańnia ŭ ramkach «narmandskaha farmatu» pa ŭrehulavańni kryzisu na asnovie Minskich pahadnieńniaŭ», — havorycca ŭ paviedamleńni.
Pry hetym Kreml nazvaŭ rasijskuju akupacyju Danbasa «ŭnutryŭkrainskim kryzisam».
Pucin pavinšavaŭ Makrona z aficyjnym ustupleńniem na pasadu prezidenta Francyi i farmiravańniem novaha ŭrada. Baki vykazali ŭzajemnuju hatoŭnaść raźvivać «tradycyjna siabroŭskija rasijska-francuzskija adnosiny ŭ palityčnaj, handlova-ekanamičnaj, kulturna-humanitarnaj i inšych sfierach». Prezidenty taksama abmierkavali mahčymaści majučych adbycca asabistych kantaktaŭ.