Syn byłoha staršyni rajvykankama ŭznačaliŭ toj ža rajvykankam
19.05.2017 / 15:18
Siarhiej Čepik (źleva) i staršynia Viciebskaha abłvykankama Mikałaja Šarstnioŭ
U Biełarusi časta pišuć pra siamiejnyja dynastyi — daktaroŭ, nastaŭnikaŭ, rabočych. A voś pra čynoŭnickija dynastyi pisać nie pryniata. Choć pra ich dobra viadoma, asabliva ŭ maleńkich haradach.
Na minułym tydni Alaksandr Łukašenka pryznačyŭ Siarhiej Čepika staršynioj Pastaŭskaha rajvykankama. Cikava, što čałaviek z takim proźviščam staršynioj hetaha ž rajvykankama ŭžo byŭ.
Vasil Vasiljevič Čepik uznačalvaŭ rajvykankam trynaccać hadoŭ — z 1987 pa 2000 hod. Byŭ pieršym sakratarom rajkama partyi, staršynioj rajsavieta, deputatam Viarchoŭnaha Savieta 12-ha sklikańnia, z 1994 pa 2000-y — staršynioj rajvykankama. 30 studzienia 2000 hoda Vasil Čepik zahinuŭ na hetaj pasadzie ŭ vyniku aŭtamabilnaj avaryi.
Vasil Čepik (krajni źleva)
Ciapier rajon uznačaliŭ jaho syn, 46-hadovy Siarhiej Vasilevič Čepik. Apošnija paŭtara hoda jon uznačalvaŭ upraŭleńnie sielskaj haspadarki rajona, a da hetaha bolš za dziesiać hod kiravaŭ haspadarkaj AT «Kurapolle-ahra».