У Горацкім раёне сутыкнуліся чатыры аўтамабілі
27.05.2017 / 16:51
Ратавальнікі дэблакавалі пацярпелую ў ДТЗ з удзелам чатырох аўтамабіляў у Горацкім раёне, паведамілі ў Магілёўскім абласным упраўленні МНС.
Аварыя здарылася 26 мая на павароце на вёску Цімахоўка на аўтадарозе Р70 з удзелам легкавых аўтамабіляў «Нісан Прымера», «Волга 3110», «Фальксваген Гольф» і грузавіка. У машыне «Нісан Прымера» была заблакаванай дзяўчына 1998 года нараджэння, якая знаходзілася на заднім сядзенні. Супрацоўнікі МНС дасталі пасажырку, яна шпіталізаваная.
У выніку ДТЗ пацярпелі яшчэ 4 чалавекі, якія брыгадай хуткай медыцынскай дапамогі з траўмамі рознай ступені цяжкасці шпіталізаваны ў Горацкую цэнтральную раённую бальніцу.