U Prazie zahinuła 31-hadovaja biełaruskaja mastačka, adzinaja dačka ŭ siamji
14.06.2017 / 10:17
Paśla apoŭnačy ŭ aŭtorak u Prazie adbyłasia žudasnaja avaryja z udziełam biełaruski. Jak paviedamiła palicyja Prahi, pryblizna a pałovie na pieršuju ŭnačy niepadalok ad Nacyjanalnaha teatra ŭ centry horada było vyjaŭlena cieła žančyny. Ruch na praśpiekcie byŭ spynieny na niekalki hadzinaŭ.
«Adna ź viersij śledstva, što asoba jechała na sčepnym prystasavańni pamiž vahonami, albo chacieła praleźci praź jaho pamiž vahonami tramvaja na tramvajnym prypynku. A kiroŭca, nie padazrajučy, što ŭ jaho znachodzicca čałaviek pamiž vahonami, nabraŭ chutkaść» — raspavioŭ češskamu vydańniu idnes.cz pres-sakratar palicyi Tomaš Hulan.
Achviara avaryi — heta 31-hadovaja biełaruska Jułija Kačuk, dačka krajaznaŭca z Zelvy Juryja Kačuka, aŭtara papularnaj kulinarnaj knihi «Moc smaku».
«Heta vializnaje hora. Jana była adzinaj dačkoj u baćkoŭ. Razumnica była. Niekalki vyšejšych adukacyj. My ŭsie ŭ rospačy», — raskazvaje siabar siamji Aleś Čacholski..
U Prazie Jula Kačuk skončyła ekanamičny fakultet. Pracavała i zajmałasia mastactvam.