Łukašenka: Ja vymušany byŭ pasialicca na Prypiaci, pabudavaŭ tut draŭlany dom
16.06.2017 / 15:28
Alaksandr Łukašenka adznačaje značny prahres, dasiahnuty za apošnija dva dziesiacihodździ, u pytańni reabilitacyi paciarpiełych ad katastrofy na Čarnobylskaj AES terytoryj.
Ab hetym kiraŭnik dziaržavy zajaviŭ siońnia, naviedvajučy Paleski dziaržaŭny radyjacyjna-ekałahičny zapaviednik u Chojnickim rajonie.
«Dla mianie heta častka majho asabistaha i prezidenckaha žyćcia. Choć tut usio pieramiašana. Ad bolu da stanoŭčych uražańniaŭ. Ja pražyŭ hetaje žyćcio razam ź imi (žycharami paciarpiełych terytoryj)», - padkreśliŭ biełaruski lidar.
Kiraŭnik dziaržavy adznačyŭ, što jak u pieršyja hady svajho prezidenctva, tak i ciapier praciahvaje rehularna naviedvać Homielščynu, u tym liku zabrudžanyja radyjacyjaj miescy. «Samaje hałoŭnaje — što tut narmalna žyvuć ludzi, — skazaŭ jon. - U tyja dalokija časy, kali ja pryjechaŭ na druhim hodzie svajho prezidenctva siudy, ludzi byli zapałochanyja. Šmat chto na hetym rabili palityku, jany ŭžo za miažoj siadziać (žyli na zamiežnyja hranty). Jany źjechali, a ludzi zastalisia žyć».
«Za hetyja 20 hadoŭ vielmi šmat što źmianiłasia. Tut ludzi žyvuć, jak i va ŭsioj Biełarusi. Heta samaja vialikaja dla mianie radaść, adzin z vynikaŭ hetaha prezidenckaha pieryjadu — toje, što zrabiŭ biełaruski narod. Jon nie prosta zachavaŭ, jon viarnuŭ da žyćcia hetyja terytoryi. Heta hałoŭny vynik», - zajaviŭ Alaksandr Łukašenka.
Kiraŭnik krainy raskazaŭ, što pytańnie adnaŭleńnia i reabilitacyja paciarpiełych ad AES terytoryj asabista dla jaho składaje bolšuju častku žyćcia. Mienavita tut prychodziłasia prymać samyja surjoznyja rašeńni.
«Kali my pačali asvojvać ziemli, vielmi šmat było krytyki ŭ moj adras. Tady ja vymušany byŭ pasialicca na Prypiaci, pabudavaŭ draŭlany dom», - adznačyŭ jon.